Presentámosche a parroquia de Barciela (Sigüeiro), sita a 12 km ó norde da cidade de Santiago de Compostela, na ruta inglesa de peregrinaxe xacobea, atravesada polo río Tambre. Tradicionalmente constaba dos lugares seguintes: Vintecatro, Caluba, Fonte do Torno, O Balado, Polveira, Sigüeiro, Benavente, Barciela, A Foca, O Portiño, Monte. Recentemente está a experimentar un gran crecemento demográfico, polo que os lugares contra o norde do río forman o pobo de Sigüeiro propiamente dito e non hai distinción coma antano.

 

A súa igrexa foi construída no ano 1917, coma se pode ver na súa portada. Tamén dese ano é a casa reitoral ó seu carón, actualmente deshabitada, pero cunha gran proxeción de futuro. Neses edificios varias persoas traballamos para anima-la vida parroquial desde o punto de vista espiritual e mais cultural.